歐國盃正進行得如火如荼，自然成為如小編等的「麻甩仔」必講話題之一，老老實實，睇波波齡有十幾年的小編(小編第一次睇歐國盃是2000年荷蘭及比利時主辦的那一屇)及身邊友人，都覺得今屇歐國盃吸引力大不如前，主要是因為西班牙、德國、葡萄牙、法國、意大利睇到悶；以為比利時有料到，點知又輪兩粒畀嚴重老化的義大利；英格蘭？對它期望愈大只會失望愈大。結果追了兩星期，亮點就只落在打了兩場即上位的「槌仔幫」韋斯咸進攻中場皮耶(Payet)，以及歷史性入歐國盃決賽周首球及烏龍波、迫和葡萄牙而令C朗「小學雞」上身、古莊臣最後一屇、全國33萬人有十份一人到現場撐的冰島。
講到好似好勁，其實好悶先要特登講到好勁，反而趁此空檔翻煲了好幾套有關足球的電影，當中有傳記式寫實/改編的《曼聯92黃金一代(The Class of \'92)》及《UNITED》，純粹睇女的《足球尤物(She\'s The Man)》及《我愛碧咸(Bend It Like Beckham)》、改編漫畫的《足球風雲(シュート!)》，當然還有港產經典《少林足球》，如果再有好似尋晚法國果場咁悶的波，不妨開這幾套電影睇，仲開心！
